Вядомы класік беларускай літаратуры

4 лютага споўнілася 215 гадоў з дня нараджэння аднаго з пачынальнікаў беларускай літаратуры, драматургіі і тэатра – Вінцэнта Іванавіча Дуніна-Марцінкевіча. У гэты дзень для старэйшых класаў ДУА “Ржаўская базавая школа” бібліятэкарам Ржаўскай бібліятэкі-філіала праведзены вечар-партрэт “Вядомы класік беларускай літаратуры”.

         Вучні даведаліся, што В. Дунін-Марцінкевіч быў не толькі пачынальнікам новай беларускай літаратуры, дзейнасць яго была шматграннай. Ён быў адметным драматургам, паэтам, таленавітым перакладчыкам, актыўным грамадскім дзеячам, таленавітым акцёрам, яркім публіцыстам. Бібліятэкар акцэнтавала ўвагу дзяцей на тым, што творы Вінцэнта Іванавіча актуальныя і сёння.

         У яго біяграфіі шмат невядомага, цяжка тлумачальнага, бо не захаваліся ўсе архіўныя справы, прайшло шмат часу. Але самае галоўнае, нарадзіўся першапачынальнік беларускай драматургіі на нашай беларускай зямлі.