На творчасць родная зямля натхніла

15 снежня бягучага года споўнілася 70 гадоў з дня нараджэння пісьменніка-земляка, ураджэнца вёскі Аляксандраўка-1 Слаўгарадскага раёна, Уладзіслава Якаўлевіча Рубанава.

Да юбілею пісьменніка бібліятэкар Ржаўскай бібліятэкі-філіяла для рабят 7-9 класаў ДУА “Ржаўская базавая школа” правяла вечар-партрэт “На творчасць родная зямля натхніла”. Вольга Варэннікава пазнаёміла прысутных з вядомым земляком, яго жыццём і творчасцю. Вучні даведаліся, што У. Рубанаў у сваіх творах не толькі даследаваў жыццё вёскі і горада, але і паказаў духоўны свет сучасніка, сцвярджаў высокастаноўчыя рысы вяскоўцаў старэйшага пакаленння.

Галоўнае, што было данесена да рабят, гэта тое, што мы, беларусы, вызначаемся сярод іншых народаў свету такімі якасцямі, як гаспадарлівасць, працавітасць, прыхільнасць да роднай зямлі, прыроды.

Кнігі Уладзіслава Рубанава, з якімі можна было пазнаёміцца на тэматычнай паліцы “На творчество земля родная вдохновила”, вучаць нас, сучаснікаў, шанаваць Радзіму, бацькоў, родную мову і традыцыі.