21 лютага – Міжнародны дзень роднай мовы

Да Міжнароднага дня роднай мовы, для вучняў сярэдніх класаў, у Ржаўскай бібліятэцы-філіяле прайшла інтэрактыўная гульня “Любіце, ведайце і шануйце родную мову!”. Прысутныя пазнаёміліся з гісторыяй зараджэння беларускай мовы, шляхам яе развіцця, росквітам і заняпадам, абмеркавалі сучаснае становішча роднай мовы. Потым рабята прынялі ўдзел у гульнях: “Гавары на роднай мове правільна”, “З рускай – на беларускую”, “Добрыя словы пра родную мову”.

У канцы мерапрыемства дзеці пісалі на стыкерах, словы аб роднай мове,такія як: прыгожая і мілагучная, адметная, сакавітая, дзіўная, найлепшая, непаўторная і шмат іншых.

Інтэрактыўная гульня пакінула ва ўсіх часцінку дабрыні, любові да роднай мовы. Спадзяёмся, што дзеці будуць старацца размаўляць па-беларуску, паважаць родную мову.