Да 100-годдзя з дня нараджэння Васіля Быкава

Васіль Быкаў — сусветнавядомы беларускі пісьменнік, дзеяч беларускага нацыянальнага Адраджэння. Адзін са стваральнікаў Беларускага Народнага Фронту.

          19 чэрвеня ў Ржаўскай бібліятэцы-філіяле для школьнага лагера “Вясёлка” ДУА “Ржаўская базавая школа” прайшла літаратурная гадзіна “Васіль Быкаў: праўда жыцця”, прымеркаваная да 100-годдзя з дня нараджэння народнага пісьменніка Беларусі  Васіля Быкава.

Вядучыя пазнаёмілі прысутных з біяграфіяй і творчасцю пісьменніка, чыё юнацтва прыйшлося на ваенныя гады. Рабята даведаліся пра тое, што за ўсё сваё творчае жыццё Быкаў напісаў мноства твораў, у якіх з пранізлівай глыбінёй адлюстраваў самыя страшныя моманты Вялікай Айчыннай вайны, і многія з іх былі экранізаваны. Далей удзельнікі прынялі актыўны ўдзел у літаратурнай віктарыне па творчасці пісьменніка, і ў завяршэнні мерапрыемства бібліятэкар правяла агляд выставы кніг Васіля Быкава.

          Мерапрыемства спрыяла развіццю ў вучняў пачуцця патрыятызму, адказнасці за свае  ўчынкі, выхаванню ў маладога пакалення духу грамадзянскасці і маральнай чысціні.