«Адкрытае сэрца паэта…»

Хутка бягуць гады. Але, колькі б часу ні прайшло, заўседы будзе жыць у памяці людской Аркадзь Куляшоў – народны паэт Беларусі, 110-годдзе якога мы адзначаем ў гэтым годзе.

«Адкрытае сэрца паэта…» – пад такой назвай у Ржаўскай бібліятэцы-філіяле прайшла літаратурная кампазіцыя для вучняў сярэдніх класаў. Дзеці, дзякуючы тэматычнай прэзентацыі, прайшліся жыццёвымі сцежкамі паэта, пашырылі свае веды аб яго творчасці. Хоць жыццё паэта складанае, але такое плённае. Пяру аўтара належыць шмат зборнікаў вершаў, у якіх А. Куляшоў апявае родныя мясціны, раку маленства Бесядзь. З болем у сэрцы аўтар знаёміць сваіх чытачоў з жахам Вялікай Айчыннай вайны, пра якую аўтар ведаў не па чутках.

Таксама рабята мелі магчымасць пазнаёміцца з кнігай Аркадзя Куляшова з уласным аўтографам паэта. Унікальнасць зборніка вершаў у тым, што аўтар быў асабіста знаёмы з нашым вядомым земляком Якавам Іванавічам Драйчуком і падараваў яму кнігу для Ржаўскай бібліятэкі.

Мерапрыемства скончылася на ўзнёслай ноце. Вучні мелі магчымасць пераканацца ў тым, што А. Куляшоў – адзін з самых таленавітых паэтаў Беларусі, класік нацыянальнай літаратуры.