21 лютага – Міжнародны дзень роднай мовы

21 лютага ў свеце адзначаецца Міжнародны дзень роднай мовы. Ён быў абвешчаны ЮНЕСКА. З прапановай увесці такі дзень выступіў Бангладэш, дзе 21 лютага 1957 года, адстойваючы права вучыцца на роднай мове, загінулі пяць студэнтаў. Трэба адзначыць, што сярод 25 суаўтараў рэзалюцыі ЮНЕСКА аб гэтым свяце была і Беларусь.

Сёння у нашым рознакаляровым і рознагалосым свеце налічваецца больш за шэсць тысяч моваў. Палова з іх знаходзіцца пад пагрозай знікнення. Менавіта дзеля іх захавання і быў абвешчаны Дзень роднай мовы.

Дзень роднай мовы асаблівы для кожнай нацыі, кожнага народа, бо няма народа без мовы, няма мовы без яго носьбіта.

Да нагоды свята ў цэнтральнай бібліятэцы супрацоўнікі аддзела маркетынгу, сацыякультурнай дзейнасці і метадычнай работы для навучэнцаў 10 класа дзяржаўнай установы адукацыі «Сярэдняя школа №1 г. Слаўгарада» правялі акцыю «Любіце, ведайце і шануйце родную мову». Мерапрыемства праходзіла на беларускай мове. Бібліятэкар нагадала дзецям пра святкаванне Дня роднай мовы, пазнаёміла з выставамі новых кніг беларускіх пісьменнікаў на беларускай мове, зачытала цытаты класікаў беларускай літаратуры аб роднай мове, пазнаёміла з беларускімі словамі, якія адлюстроўваюць прыгажосць і ўнікальнасць роднай мовы, а таксама раздала флаеры ў падтрымку беларускай мовы.